Germaniya milliy terma jamoasi ustozi Yulian Nagelsmann Myunxenning «Bavariya» klubi joriy Bundesliga mavsumida muddatidan oldin chempionlikni qo‘lga kiritganiga munosabat bildirdi.

"Bavariya"ni tabriklamoqchiman. Kompani ishonch bilan chempionlikka erishgan jamoani shakllantira oldi. Jamoa ajoyib futbol namoyish etmoqda. Germaniya terma jamoasi futbolchilari uchun xursandman. Bunday g‘alaba kayfiyati ularga bo‘lajak Jahon chempionatida yordam beradi", — deya mutaxassisning so‘zlarini keltirmoqda Bayern & Germany sahifasi.

Oxirgi uchrashuvda «Bavariya» o‘z maydonida «Shtutgart»ni 4:2 hisobida mag‘lub etdi. Bundesliganing 30-turi yakunlariga ko‘ra, Myunxen jamoasi ikkinchi o‘rinda borayotgan «Borussiya»dan 15 ochkoga o‘zib ketgan.