Германия миллий терма жамоаси устози Юлиан Нагельсманн Мюнхеннинг «Бавария» клуби жорий Бундеслига мавсумида муддатидан олдин чемпионликни қўлга киритганига муносабат билдирди.
"Бавария"ни табрикламоқчиман. Компани ишонч билан чемпионликка эришган жамоани шакллантира олди. Жамоа ажойиб футбол намойиш этмоқда. Германия терма жамоаси футболчилари учун хурсандман. Бундай ғалаба кайфияти уларга бўлажак Жаҳон чемпионатида ёрдам беради", — дея мутахассиснинг сўзларини келтирмоқда Bayern & Germany саҳифаси.
Охирги учрашувда «Бавария» ўз майдонида «Штутгарт»ни 4:2 ҳисобида мағлуб этди. Бундеслиганинг 30-тури якунларига кўра, Мюнхен жамоаси иккинчи ўринда бораётган «Боруссия»дан 15 очкога ўзиб кетган.
