Angliya Premyer-ligasining 33-turi markaziy bahsida Londonning «Arsenal» klubi safarda «Manchester Siti»ga 1:2 hisobida imkoniyatni boy berdi. «Kanonirlar»ning afsonaviy hujumchisi Tyerri Anri bo‘lib o‘tgan o‘yin haqidagi taassurotlari bilan o‘rtoqlashdi.
«Bu o‘yin meni ranjitdi. "Kanonirlar" futbolchilari bunday muhim o‘yinda na g‘ayrat, na xarakter ko‘rsata olishdi. Ular "shaharliklar“ga tashabbusni egallab olish va hamma narsani nazorat qilish imkonini berib qo‘yishdi. Agar chempion bo‘lishni istasang, katta o‘yinlarda o‘zingni ko‘rsatishing kerak. Mehmonlar buni uddalay olishmadi va mag‘lubiyatga uchrashdi. Bu men bilgan „Arsenal“ emas», — deya fransuzning so‘zlarini keltirmoqda Sky Sports.
Mag‘lubiyatdan so‘ng Mikel Arteta shogirdlari birinchi o‘rinda qolishdi. Bir o‘yini zahirasida bo‘lgan «Manchester Siti» esa peshqadamdan uch ochkoga ortda qolmoqda.
