Англия Премьер-лигасининг 33-тури марказий баҳсида Лондоннинг «Арсенал» клуби сафарда «Манчестер Сити»га 1:2 ҳисобида имкониятни бой берди. «Канонирлар»нинг афсонавий ҳужумчиси Тьерри Анри бўлиб ўтган ўйин ҳақидаги таассуротлари билан ўртоқлашди.

«Бу ўйин мени ранжитди. "Канонирлар" футболчилари бундай муҳим ўйинда на ғайрат, на характер кўрсата олишди. Улар "шаҳарликлар“га ташаббусни эгаллаб олиш ва ҳамма нарсани назорат қилиш имконини бериб қўйишди. Агар чемпион бўлишни истасанг, катта ўйинларда ўзингни кўрсатишинг керак. Меҳмонлар буни уддалай олишмади ва мағлубиятга учрашди. Бу мен билган „Арсенал“ эмас», — дея французнинг сўзларини келтирмоқда Sky Sports.

Мағлубиятдан сўнг Микель Артета шогирдлари биринчи ўринда қолишди. Бир ўйини заҳирасида бўлган «Манчестер Сити» эса пешқадамдан уч очкога ортда қолмоқда.