Angliya chempionatining (APL) 33-turi doirasida bo‘lib o‘tgan «Manchester Siti» va «Arsenal» jamoalari o‘rtasidagi uchrashuvda mezbonlar yarimhimoyachisi Rodri Ernandes jarohat oldi.
Ispaniyalik futbolchi mazkur muhim bahsni asosiy tarkibda boshlagan edi. Biroq uchrashuv yakunlanishi arafasida, ya’ni 88-daqiqada sog‘lig‘idagi muammo sababli o‘yinni davom ettira olmasligi ma’lum bo‘ldi va maydonni tark etdi. Uning o‘rniga Niko Gonsales zaxiradan o‘yinga qo‘shildi.
Dastlabki tibbiy ko‘riklar natijasiga ko‘ra, Rodrida chanoq sohasi mushaklarining cho‘zilishi aniqlangan. Futbolchining tiklanishi uchun qancha vaqt talab etilishi borasida qo‘shimcha tekshiruvlar o‘tkaziladi.
