Англия чемпионатининг (АПЛ) 33-тури доирасида бўлиб ўтган «Манчестер Сити» ва «Арсенал» жамоалари ўртасидаги учрашувда мезбонлар яримҳимоячиси Родри Эрнандес жароҳат олди.
Испаниялик футболчи мазкур муҳим баҳсни асосий таркибда бошлаган эди. Бироқ учрашув якунланиши арафасида, яъни 88-дақиқада соғлиғидаги муаммо сабабли ўйинни давом эттира олмаслиги маълум бўлди ва майдонни тарк этди. Унинг ўрнига Нико Гонсалес захирадан ўйинга қўшилди.
Дастлабки тиббий кўриклар натижасига кўра, Родрида чаноқ соҳаси мушакларининг чўзилиши аниқланган. Футболчининг тикланиши учун қанча вақт талаб этилиши борасида қўшимча текширувлар ўтказилади.
