Taniqli teleboshlovchi va «Arsenal» muxlisi Pirs Morgan APL 33-turida «Manchester Siti»dan uchralgan mag‘lubiyatdan (1:2) keyin ham London jamoasining chempionligiga ishonch bildirmoqda.

Hozirda «shaharliklar» «to‘pchilar»dan 3 ochko ortda qolmoqda, biroq ularda bitta zaxira o‘yini mavjud. Morgan APL turnir jadvalini e’lon qilib, ligadagi holatga quyidagicha izoh berdi.

«Shunday qilib, «Arsenal» hamon peshqadam va baribir ligada g‘olib chiqadi. «Siti» hamon ikkinchi o‘rinda. «Yunayted» esa avvalgidek ahamiyatsiz.

«Liverpul» hali ham o‘tgan mavsumdagidan ikki baravar yomonroq, «Chelsi» foydasizligicha qolmoqda, «Tottenxem» esa ligadan chiqib ketadi», — deb yozdi Pirs.