Таниқли телебошловчи ва «Арсенал» мухлиси Пирс Морган АПЛ 33-турида «Манчестер Сити»дан учралган мағлубиятдан (1:2) кейин ҳам Лондон жамоасининг чемпионлигига ишонч билдирмоқда.
Ҳозирда «шаҳарликлар» «тўпчилар»дан 3 очко ортда қолмоқда, бироқ уларда битта захира ўйини мавжуд. Морган АПЛ турнир жадвалини эълон қилиб, лигадаги ҳолатга қуйидагича изоҳ берди.
«Шундай қилиб, «Арсенал» ҳамон пешқадам ва барибир лигада ғолиб чиқади. «Сити» ҳамон иккинчи ўринда. «Юнайтед» эса аввалгидек аҳамиятсиз.
«Ливерпуль» ҳали ҳам ўтган мавсумдагидан икки баравар ёмонроқ, «Челси» фойдасизлигича қолмоқда, «Тоттенхэм» эса лигадан чиқиб кетади», — деб ёзди Пирс.
