Madridning «Atletiko» klubi himoyachisi Matteo Rudjeri Ispaniya jamoasiga o‘tgan davri va jamoadagi ichki muhit haqidagi xotiralari bilan o‘rtoqlashdi.
O‘tgan yilning yozida «Atalanta» klubidan Madridga ko‘chib o‘tgan futbolchi yangi jamoadagi dastlabki taassurotlarini quyidagicha bayon etdi:
— «Atletiko»dagi birinchi kunimda hamma narsa men uchun juda g‘ayritabiiy edi. Atrofimda shuncha ko‘p chempionlarni ko‘rib, hayratimni yashira olmaganman. Biroq yangi jamoadoshlarim menga tez moslashishimga va o‘zimni uydagidek his qilishimga yordam berishdi. Menimcha, Diyego Simeone jamoasining jipsligi siri aynan mana shunda, — dedi Rudjeri.
