Мадриднинг «Атлетико» клуби ҳимоячиси Маттео Руджери Испания жамоасига ўтган даври ва жамоадаги ички муҳит ҳақидаги хотиралари билан ўртоқлашди.
Ўтган йилнинг ёзида «Аталанта» клубидан Мадридга кўчиб ўтган футболчи янги жамоадаги дастлабки таассуротларини қуйидагича баён этди:
— «Атлетико»даги биринчи кунимда ҳамма нарса мен учун жуда ғайритабиий эди. Атрофимда шунча кўп чемпионларни кўриб, ҳайратимни яшира олмаганман. Бироқ янги жамоадошларим менга тез мослашишимга ва ўзимни уйдагидек ҳис қилишимга ёрдам беришди. Менимча, Диего Симеоне жамоасининг жипслиги сири айнан мана шунда, — деди Руджери.
