Madridning «Real» klubi bosh murabbiyi Alvaro Arbeloa yarim himoyachi Eduardo Kamavinga atrofidagi mish-mishlarga chek qo‘yib, futbolchini qo‘llab-quvvatlashini ma’lum qildi.

Ispaniyalik mutaxassis fransiyalik futbolchiga to‘liq ishonishini va uning klubdagi faoliyati davom etishini istashini ta’kidladi.

— Kamavinga mening ishonchimga, shuningdek, klub va muxlislarning mehriga sazovor bo‘lgan. Umid qilamanki, u hali ko‘p yillar davomida Madridda qoladi, — dedi Arbeloa.

Eslatib o‘tamiz, Eduardo Kamavinga Yevropa Chempionlar ligasi chorak finali doirasida «Bavariya»ga qarshi kechgan javob uchrashuvida (3:4) qizil kartochka olib, maydonni tark etgan edi. Ushbu mag‘lubiyatdan so‘ng «Real» musobaqadagi ishtirokini to‘xtatdi.