Мадриднинг «Реал» клуби бош мураббийи Алваро Арбелоа ярим ҳимоячи Эдуардо Камавинга атрофидаги миш-мишларга чек қўйиб, футболчини қўллаб-қувватлашини маълум қилди.
Испаниялик мутахассис франциялик футболчига тўлиқ ишонишини ва унинг клубдаги фаолияти давом этишини исташини таъкидлади.
— Камавинга менинг ишончимга, шунингдек, клуб ва мухлисларнинг меҳрига сазовор бўлган. Умид қиламанки, у ҳали кўп йиллар давомида Мадридда қолади, — деди Арбелоа.
Эслатиб ўтамиз, Эдуардо Камавинга Европа Чемпионлар лигаси чорак финали доирасида «Бавария»га қарши кечган жавоб учрашувида (3:4) қизил карточка олиб, майдонни тарк этган эди. Ушбу мағлубиятдан сўнг «Реал» мусобақадаги иштирокини тўхтатди.
