Fransiyaning «PSJ» klubi yarim himoyachisi Vitinya Fransiya Liga 1 doirasidagi «Lion»ga qarshi bahsda (1:2) jarohat oldi. Bu haqda Parij klubi matbuot xizmati xabar berdi.
Portugaliyalik futbolchi uchrashuvning 39-daqiqasidayoq maydonni tark etishga majbur bo‘lgan. Tibbiy ko‘riklar natijasida xavbekning o‘ng tovon qismidan jarohat olgani ma’lum qilindi.
Klub rasmiy bayonotiga ko‘ra, Vitinya yaqin bir necha kun davomida tibbiyot xodimlari nazoratida bo‘ladi. Uning sog‘lig‘i borasidagi navbatdagi xulosa hafta yakuniga qadar e’lon qilinishi kutilmoqda.
Ushbu yo‘qotish parijliklar uchun muhim pallada yuz berdi. Sababi, jamoani oldinda bir qator mas’uliyatli uchrashuvlar kutmoqda:
-
22 aprel: «Nant»ga qarshi (Liga 1);
-
25 aprel: «Anje»ga qarshi (Liga 1);
-
28 aprel: «Bavariya»ga qarshi (Evropa Chempionlar ligasi yarim final, dastlabki bahs).
Ma’lumot uchun, Vitinya joriy mavsumda Fransiya chempionatining 27 ta uchrashuvida maydonga tushib, o‘z hisobiga 1 ta gol va 7 ta golli uzatmani yozdirib qo‘ygan.
