Франциянинг «ПСЖ» клуби ярим ҳимоячиси Витинья Франция Лига 1 доирасидаги «Лион»га қарши баҳсда (1:2) жароҳат олди. Бу ҳақда Париж клуби матбуот хизмати хабар берди.
Португалиялик футболчи учрашувнинг 39-дақиқасидаёқ майдонни тарк этишга мажбур бўлган. Тиббий кўриклар натижасида хавбекнинг ўнг товон қисмидан жароҳат олгани маълум қилинди.
Клуб расмий баёнотига кўра, Витинья яқин бир неча кун давомида тиббиёт ходимлари назоратида бўлади. Унинг соғлиғи борасидаги навбатдаги хулоса ҳафта якунига қадар эълон қилиниши кутилмоқда.
Ушбу йўқотиш парижликлар учун муҳим паллада юз берди. Сабаби, жамоани олдинда бир қатор масъулиятли учрашувлар кутмоқда:
-
22 апрель: «Нант»га қарши (Лига 1);
-
25 апрель: «Анже»га қарши (Лига 1);
-
28 апрель: «Бавария»га қарши (Европа Чемпионлар лигаси ярим финал, дастлабки баҳс).
Маълумот учун, Витинья жорий мавсумда Франция чемпионатининг 27 та учрашувида майдонга тушиб, ўз ҳисобига 1 та гол ва 7 та голли узатмани ёздириб қўйган.
