Madridning «Real» klubi bosh murabbiyi Alvaro Arbeloa jamoa ichidagi muhitdan mamnun ekanligini bildirdi.

«Menda haddan tashqari yaqinlik hissi yo‘q. Menimcha, munosabatlarimiz juda yaxshi. Men futbolni boshqacha tasavvur qilolmayman. Bu futbolchilardan talabchanlikni kamaytirish yoki ularga bosim o‘tkazmaslik kerak degani emas.

Hatto eng qiyin lahzalarda ham kiyinish xonasida doimo ijobiy muhit hukm surdi. Shaxsan men buni katta muvaffaqiyat deb hisoblayman, jamoa ichidagi muhit aynan shunday bo‘lishi kerak», — dedi Arbeloa «Alaves» bilan o‘yin oldidan o‘tkazilgan matbuot anjumanida.

Eslatib o‘tamiz, «Real» navbatdagi uchrashuvini «Alaves»ga qarshi o‘tkazadi va Arbeloa shogirdlari uchun bu o‘yin jadvaldagi holatni yaxshilash uchun muhim ahamiyatga ega.