Мадриднинг «Реал» клуби бош мураббийи Альваро Арбелоа жамоа ичидаги муҳитдан мамнун эканлигини билдирди.
«Менда ҳаддан ташқари яқинлик ҳисси йўқ. Менимча, муносабатларимиз жуда яхши. Мен футболни бошқача тасаввур қилолмайман. Бу футболчилардан талабчанликни камайтириш ёки уларга босим ўтказмаслик керак дегани эмас.
Ҳатто энг қийин лаҳзаларда ҳам кийиниш хонасида доимо ижобий муҳит ҳукм сурди. Шахсан мен буни катта муваффақият деб ҳисоблайман, жамоа ичидаги муҳит айнан шундай бўлиши керак», — деди Арбелоа «Алавес» билан ўйин олдидан ўтказилган матбуот анжуманида.
Эслатиб ўтамиз, «Реал» навбатдаги учрашувини «Алавес»га қарши ўтказади ва Арбелоа шогирдлари учун бу ўйин жадвалдаги ҳолатни яхшилаш учун муҳим аҳамиятга эга.
