«Barselona» himoyachisi Erik Garsiya «Real»ga qarshi o‘yingacha La Ligada g‘olib chiqishni istayotganini ma’lum qildi.

31-turdan so‘ng kataloniyaliklar Ispaniya chempionatida peshqadamlik qilmoqda va «Real»ni 9 ochkoga ortda qoldirishmoqda. «Kamp Nou»dagi "klasiko" La Liganing 35-turi doirasida 10 may kuni bo‘lib o‘tadi.

«Agar biz uchun «sharaf yo‘lagi» tashkil qilishsa, demak, biz allaqachon g‘alaba qozongan bo‘lamiz. Men imkon qadar tezroq g‘olib bo‘lishni istaganim uchun savolingizga javob berib bo‘ldim.

Raqib sizdan ustun kelganda, oddiy hurmatni ifoda etishingiz kerak. Qarshimizda kim bo‘lishidan qat’i nazar, biz ham shunday yo‘l tutgan bo‘lardik», — dedi Garsiya.