«Барселона» ҳимоячиси Эрик Гарсия «Реал»га қарши ўйингача Ла Лигада ғолиб чиқишни истаётганини маълум қилди.
31-турдан сўнг каталонияликлар Испания чемпионатида пешқадамлик қилмоқда ва «Реал»ни 9 очкога ортда қолдиришмоқда. «Камп Ноу»даги "класико" Ла Лиганинг 35-тури доирасида 10 май куни бўлиб ўтади.
«Агар биз учун «шараф йўлаги» ташкил қилишса, демак, биз аллақачон ғалаба қозонган бўламиз. Мен имкон қадар тезроқ ғолиб бўлишни истаганим учун саволингизга жавоб бериб бўлдим.
Рақиб сиздан устун келганда, оддий ҳурматни ифода этишингиз керак. Қаршимизда ким бўлишидан қатъи назар, биз ҳам шундай йўл тутган бўлардик», — деди Гарсия.
