«Milan» yarim himoyachisi Luka Modrich 2025 yilning Xorvatiyadagi eng yaxshi futbolchisi deb topildi. Bu haqda «rossonerilar» matbuot xizmati xabar bermoqda.
40 yoshli futbolchi o‘z faoliyati davomida 14-marotaba va ketma-ket o‘ninchi bor ushbu nufuzli mukofotga loyiq ko‘rildi. Xorvatiya futbol ittifoqi (HNS) sovrinni egasiga topshirib ulgurdi.
2025/2026 yilgi mavsumda Modrich klub miqyosidagi barcha turnirlarda 35 ta o‘yin o‘tkazib, 2 ta gol urdi va 3 ta golli uzatmani amalga oshirdi. Uning «Milan» bilan amaldagi shartnomasi 2026 yilning 30 iyuniga qadar mo‘ljallangan. Eslatib o‘tamiz, futbolchi Xorvatiya terma jamoasi tarkibida 2018 yilgi Jahon chempionati kumush va 2022 yilgi bronza medali sohibi hisoblanadi.
