«Manchester Yunayted» sardori Brunu Fernandesh APL 33-turi doirasida «Chelsi» ustidan qozonilgan g‘alabaning (1:0) ahamiyati haqida o‘z fikrlari bilan o‘rtoqlashdi.

«Bu ajoyib tuyg‘u. Bizga mana shunday o‘zimizga kelib olish zarur edi — gap nafaqat «Lids» bilan bo‘lgan oxirgi o‘yinda, balki ungacha bo‘lgan va biz g‘alaba qozona olmagan yana ikkita bahs haqida bormoqda. Shunga qaramay, biz sifatli o‘yin ko‘rsatishimiz kerakligini bilardik, chunki «Chelsi» — juda kuchli jamoa.

Bu yerdagi g‘alaba biz uchun juda muhim edi, chunki maqsadimiz kuchli to‘rtlikka kirish, ular esa beshlikka eng yaqin turgan jamoadir. Biz ulardan o‘zimizni uzoqlashtirishimiz kerak edi, bu g‘alaba bizga suv va havodek zarur edi», — dedi Fernandesh TNT Sports nashriga.

«Manchester Yunayted» ushbu g‘alabadan so‘ng 58 ochko to‘plagan holda APL jadvalida uchinchi o‘rinni egallab turibdi. «Chelsi» esa ketma-ket to‘rtinchi mag‘lubiyatini qabul qilib oldi. Londonliklar 48 ochko bilan oltinchi pog‘onada borishmoqda.