«Barselona» har ikkala qanotni to‘liq yopa oladigan lateral sotib olmoqchi. Bu haqda Mundo Deportivo nashri xabar bermoqda.

Manba bergan ma’lumotlarga ko‘ra, hozirda «ko‘k-anorranglilar» «Yuventus» o‘yinchisi Andrea Kambyaso hamda joriy mavsumni ijara asosida «Kalyari»da o‘tkazayotgan «Atalanta» a’zosi Marko Palestra nomzodlarini ko‘rib chiqishmoqda.

Qayd etilishicha, bu futbolchilar turli profildagi o‘yinchilar hisoblangani sababli, «Barselona» ichida bahs-munozaralar davom etmoqda. Kambyasso ushbu mavsumda barcha turnirlarda 42 ta uchrashuvda maydonga tushib, uchta gol urdi va to‘rtta golli uzatmaga mualliflik qildi. Palestra esa Italiya chempionatining joriy mavsumida 32 ta o‘yinda qatnashib, bitta gol va to‘rtta assistni o‘z hisobiga yozdirib qo‘ydi.