«Барселона» ҳар иккала қанотни тўлиқ ёпа оладиган латераль сотиб олмоқчи. Бу ҳақда Mundo Deportivo нашри хабар бермоқда.
Манба берган маълумотларга кўра, ҳозирда «кўк-анорранглилар» «Ювентус» ўйинчиси Андреа Камбьясо ҳамда жорий мавсумни ижара асосида «Кальяри»да ўтказаётган «Аталанта» аъзоси Марко Палестра номзодларини кўриб чиқишмоқда.
Қайд этилишича, бу футболчилар турли профилдаги ўйинчилар ҳисоблангани сабабли, «Барселона» ичида баҳс-мунозаралар давом этмоқда. Камбьяссо ушбу мавсумда барча турнирларда 42 та учрашувда майдонга тушиб, учта гол урди ва тўртта голли узатмага муаллифлик қилди. Палестра эса Италия чемпионатининг жорий мавсумида 32 та ўйинда қатнашиб, битта гол ва тўртта ассистни ўз ҳисобига ёздириб қўйди.
