«Barselona» bosh murabbiyi Xansi Flik La Liga doirasidagi «Selta»ga qarshi uchrashuv oldidan o‘z fikrlari bilan o‘rtoqlashdi. Nemis mutaxassisi raqibning moslashuvchanligi va o‘yin uslubiga yuqori baho berdi.
«Men ularning o‘yinlarini diqqat bilan kuzatib bordim. Bu yerdagi faoliyatim davomida «Selta»ga qarshi uch bor maydonga tushdik va har bir bahs biz uchun juda qiyin kechdi. Ular vaziyatga juda yaxshi moslasha olishadi va ertaga ham shunday bo‘lishiga shubham yo‘q», — dedi Flik.
Shuningdek, murabbiy jamoasi faqat g‘alaba uchun maydonga tushishini, biroq bu oson bo‘lmasligini ta’kidladi:
«G‘alaba qozonishni istaymiz, ammo buning uchun eng yaxshi o‘yinimizni namoyish etishimiz kerak. Raqib tarkibida o‘yinni nazorat qila oladigan iqtidorli futbolchilar bor. Biz o‘z uslubimizni namoyish etishimiz lozim».
