Londonning «Arsenal» klubi sobiq bosh murabbiyi Arsen Venger Angliya Premyer-ligasidagi chempionlik poygasi borasida o‘z fikrlarini bildirdi. Ayni damda «kanonirlar» turnir jadvalida «Manchester Siti»dan uch ochko oldinda bormoqda, biroq «shaharliklar» zaxirasida yana bir o‘yin mavjud.
«Menimcha, «Arsenal» chempionatda g‘olib chiqadi. Men bunga chin dildan ishonaman. Mening nazarimda, bu mantiqiy ko‘rinmoqda. «Manchester Siti» mavsum yakunini ochko yo‘qotmasdan o‘tkaza olmaydi», — deya Vengerning so‘zlarini keltiradi Goal nashri.
Eslatib o‘tamiz, «Arsenal» so‘nggi bor aynan Arsen Venger boshqaruvi ostida (2003/04 yilgi mavsumda) APL oltin medallariga ega chiqqan edi.













