Лондоннинг «Арсенал» клуби собиқ бош мураббийи Арсен Венгер Англия Премьер-лигасидаги чемпионлик пойгаси борасида ўз фикрларини билдирди. Айни дамда «канонирлар» турнир жадвалида «Манчестер Сити»дан уч очко олдинда бормоқда, бироқ «шаҳарликлар» захирасида яна бир ўйин мавжуд.
«Менимча, «Арсенал» чемпионатда ғолиб чиқади. Мен бунга чин дилдан ишонаман. Менинг назаримда, бу мантиқий кўринмоқда. «Манчестер Сити» мавсум якунини очко йўқотмасдан ўтказа олмайди», — дея Венгернинг сўзларини келтиради Goal нашри.
Эслатиб ўтамиз, «Арсенал» сўнгги бор айнан Арсен Венгер бошқаруви остида (2003/04 йилги мавсумда) АПЛ олтин медалларига эга чиққан эди.
