«Nyukasl» klubi afsonasi va APL tarixidagi eng yaxshi to‘purar Alan Shirer jamoaning so‘nggi natijalaridan noroziligini bildirdi. Uning fikricha, futbolchilarning maydondagi harakatlari bosh murabbiy Eddi Xauning iste’fosiga sabab bo‘lishi mumkin.
«Afsuski, men kelasi mavsumda Eddi Xauni «Nyukasl» murabbiyi sifatida ko‘rmayapman. Agar futbolchilar buni «murabbiy uchun kurashish» deb atashayotgan bo‘lsa, bu dahshat. O‘yinchilar uni shunchaki «avtobus tagiga itarib yuborishdi», — deya Shirerning so‘zlarini keltiradi The Rest is Football.
Eslatib o‘tamiz, «Nyukasl» Angliya chempionatida ketma-ket uchta mag‘lubiyatga uchradi va hozirda 42 ochko bilan turnir jadvalida 14-o‘rinni egallab turibdi. Jamoa navbatdagi uchrashuvini 25 aprel kuni «Arsenal»ga qarshi o‘tkazadi.
