«Ньюкасл» клуби афсонаси ва АПЛ тарихидаги энг яхши тўпурар Алан Ширер жамоанинг сўнгги натижаларидан норозилигини билдирди. Унинг фикрича, футболчиларнинг майдондаги ҳаракатлари бош мураббий Эдди Хаунинг истеъфосига сабаб бўлиши мумкин.
«Афсуски, мен келаси мавсумда Эдди Хауни «Ньюкасл» мураббийи сифатида кўрмаяпман. Агар футболчилар буни «мураббий учун курашиш» деб аташаётган бўлса, бу даҳшат. Ўйинчилар уни шунчаки «автобус тагига итариб юборишди», — дея Ширернинг сўзларини келтиради The Rest is Football.
Эслатиб ўтамиз, «Ньюкасл» Англия чемпионатида кетма-кет учта мағлубиятга учради ва ҳозирда 42 очко билан турнир жадвалида 14-ўринни эгаллаб турибди. Жамоа навбатдаги учрашувини 25 апрель куни «Арсенал»га қарши ўтказади.
