«Barselona» hujumchi Markus Rashfordni «Manchester Yunayted»dan to‘liq transfer qilish bandini faollashtirmoqchi emas. Bu haqda The Athletic xabar bermoqda.

Manbaga ko‘ra, Kataloniya klubida futbolchi «ko‘k-anorranglar» tarkibida hujumchi Rafinya yo‘q bo‘lgan paytlarda berilgan imkoniyatlardan to‘liq foydalana olmagan, deb hisoblanmoqda. Shuningdek, u Chempionlar ligasi chorak finalida madridlik «Atletiko»ga qarshi o‘yinlarda so‘nggi imkoniyatini ham ishlata olmadi. Shu bois klub hujum chizig‘ini kuchaytirish uchun boshqa variantlarni ko‘rib chiqishga tayyor.

Rashford hozirda «Barselona»da ijara asosida o‘ynamoqda va uning transfer qiymati taxminan 30 million yevroni tashkil qiladi.

Joriy mavsumda Rashford barcha musobaqalarda 43 ta uchrashuvda maydonga tushib, 12 ta gol urdi va 11 ta golli uzatma amalga oshirdi.