Fransiya kubogi yarim finali doirasida «Lans» o‘z maydonida «Tuluza»ni qabul qildi. «Bollar-Delelis» stadionida bo‘lib o‘tgan uchrashuvda mezbonlar 4:1 hisobida ishonchli g‘alabaga erishdi va finalga yo‘l oldi.

O‘yinning 9-daqiqasida Floryan Toven hisobni ochdi. 18-daqiqada Allan Sent-Maksimen jamoasining ustunligini oshirdi. Oradan uch daqiqa o‘tib, Santyago Massa hisobni qisqartirdi.

35-daqiqada himoyachi Matyo Yudol «Lans»ning uchinchi golini kiritdi. O‘yin tugashiga 15 daqiqa qolganida Adriyen Tomasson hisobni yirik ko‘rinishga olib keldi — 4:1.

Avvalgi bosqichda «Lans» «Lion»ni 2:2 (penaltilar seriyasida 5:4) hisobida mag‘lub etgan bo‘lsa, «Tuluza» «Marsel»ni 2:2 (4:3 pen.) hisobida yenggan edi.

Finalda «Lans» klubi «Strasburg» — «Nissa» juftligi g‘olibi bilan kuch sinashadi.

Fransiya kubogi. Yarim final
21 aprel 2026 yil. Lans, «Bollar-Delelis»
«Lans» — «Tuluza» 4:1
Gollar: Toven 9 (1:0), Sent-Maksimen 18 (2:0), Massa 21 (2:1), Yudol 35 (3:1), Tomasson 75 (4:1)