Myunxenning «Bavariya» klubi hujumchisi Harri Keyn Germaniyadagi faoliyati va nihoyat qo‘lga kiritilayotgan sovrinlar haqida o‘z fikrlari bilan o‘rtoqlashdi.
«Bu yerda o‘zimni chindan ham baxtli his qilyapman. Barchamiz bir yo‘nalishda, umumiy maqsad yo‘lida mehnat qilyapmiz. Bu mavsumda oldimizda hali yana bir qator muhim vazifalar turibdi», — deya Keynning so‘zlarini keltirmoqda SkySportDE.
Eslatib o‘tamiz, angliyalik hujumchi 2023 yildan buyon Germaniya grandi sharafini himoya qilib kelmoqda. Ungacha esa u uzoq yillar davomida Londonning «Tottenhem» klubi safida to‘p surgan va sovrinlar borasida omadi chopmagan edi.
