Мюнхеннинг «Бавария» клуби ҳужумчиси Ҳарри Кейн Германиядаги фаолияти ва ниҳоят қўлга киритилаётган совринлар ҳақида ўз фикрлари билан ўртоқлашди.
«Бу ерда ўзимни чиндан ҳам бахтли ҳис қиляпман. Барчамиз бир йўналишда, умумий мақсад йўлида меҳнат қиляпмиз. Бу мавсумда олдимизда ҳали яна бир қатор муҳим вазифалар турибди», — дея Кейннинг сўзларини келтирмоқда SkySportDE.
Эслатиб ўтамиз, англиялик ҳужумчи 2023 йилдан буён Германия гранди шарафини ҳимоя қилиб келмоқда. Унгача эса у узоқ йиллар давомида Лондоннинг «Тоттенҳэм» клуби сафида тўп сурган ва совринлар борасида омади чопмаган эди.
