Madridning «Real» klubi bosh murabbiyi Alvaro Arbeloa Ispaniya La Ligasining 33-turida «Alaves»ga qarshi o‘yin (2:1) vaqtida Vinisius Juniorga nisbatan stadiondagi ishqibozlar tomonidan bo‘lgan hushtakbozlikka munosabat bildirdi.
«Nega “Bernabeu” Vinisiusni hushtakbozlik bilan qarshi oldi? Menimcha, bu barcha ishqibozlar tomonidan bo‘lmadi va u doimiy ravishda hushtak ostida qolmadi. Bunday holatlar ba’zan bo‘lib turadi, men ham bunga duch kelganman. Vini esa juda yaxshi o‘yin ko‘rsatdi», — dedi murabbiy klub matbuot xizmatiga.
Vinisius ushbu o‘yinda 50-daqiqada gol urib, «Real»ning ikkinchi golini kiritdi. U shu tariqa klub va Braziliya terma jamoasini hisobga olganda so‘nggi 7 ta o‘yinda golsiz seriyasiga chek qo‘ydi.
Ispaniya chempionatida 32 ta o‘yindan so‘ng «Real» 73 ochko bilan turnir jadvalida 2-o‘rinni egallab turibdi.













