«Manchester Siti» bosh murabbiyi Xosep Gvardiola Angliya Premyer-ligasidagi turnir holati jamoaga ruhiy bosim o‘tkazayotgani haqidagi savolga javob berdi.
Eslatib o‘tamiz, avvalroq «shaharliklar» o‘z maydonida «Arsenal»ni mag‘lub etib (2:1), chempionlik uchun intrigani eng yuqori nuqtaga olib chiqqan edi. Taniqli insayder Fabrisio Romano ispaniyalik mutaxassisning quyidagi so‘zlarini keltirmoqda:
«Xavotir olyapmanmi? Aslo! Men o‘tgan mavsumda asabiylashgandim. O‘shanda bosim juda kuchli edi... Hozir esa har qachongidan ham xotirjammiz, hatto «Arsenal» ustidan qozonilgan g‘alabadan keyin ham xotirjamlikni yo‘qotmadik», — dedi Gvardiola.
Ayni damda «Manchester Siti» APL turnir jadvalida 67 ochko bilan ikkinchi o‘rinni egallab turibdi. Peshqadam «Arsenal» hisobida 70 ochko bor, biroq londonliklar «Siti»ga qaraganda bitta ko‘p o‘yin o‘tkazishgan. Bu esa Gvardiola shogirdlarida yo‘qotilgan ochkolar bo‘yicha ustunlik borligini anglatadi.
Ma’lumot uchun, Angliyaning amaldagi chempioni «Liverpul» hisoblanadi.
