Yevropaning bir qator top-klublari Madridning «Real» klubi yarim himoyachisi Orelyen Tchuamenini o‘z safiga qo‘shib olish istagini bildirmoqda. Bu haqda taniqli insayder Fabrisio Romano xabar berdi.

Manbaning ta’kidlashicha, OAVda tarqalgan turli mish-mishlarga qaramay, «qirollik klubi» fransiyalik futbolchini sotish variantini hech qachon ko‘rib chiqmagan. Tchuamenini sotib olishga asosiy da’vogar sifatida «Manchester Yunayted» ko‘rilmoqda, biroq «Real» rahbariyati o‘z qarorida qat’iy turibdi.

Orelyen Tchuameni joriy mavsumda madridliklar tarkibida barcha turnirlar doirasida 45 ta o‘yinda maydonga tushib, 2 ta gol va 2 ta golli uzatma muallifiga aylandi. Uning «qaymoqranglilar» bilan amaldagi shartnomasi 2028 yilning yoziga qadar mo‘ljallangan.