Европанинг бир қатор топ-клублари Мадриднинг «Реал» клуби ярим ҳимоячиси Орельен Тчуаменини ўз сафига қўшиб олиш истагини билдирмоқда. Бу ҳақда таниқли инсайдер Фабрицио Романо хабар берди.

Манбанинг таъкидлашича, ОАВда тарқалган турли миш-мишларга қарамай, «қироллик клуби» франциялик футболчини сотиш вариантини ҳеч қачон кўриб чиқмаган. Тчуаменини сотиб олишга асосий даъвогар сифатида «Манчестер Юнайтед» кўрилмоқда, бироқ «Реал» раҳбарияти ўз қарорида қатъий турибди.

Орельен Тчуамени жорий мавсумда мадридликлар таркибида барча турнирлар доирасида 45 та ўйинда майдонга тушиб, 2 та гол ва 2 та голли узатма муаллифига айланди. Унинг «қаймоқранглилар» билан амалдаги шартномаси 2028 йилнинг ёзига қадар мўлжалланган.