«Manchester Siti» hujumkor yarim himoyachisi Bernardu Silva faoliyatini «Barselona»da davom ettirishni istaydi. Bu haqda El Chiringuito xabar bermoqda.

Manbaning ma’lumotiga ko‘ra, «Barselona» 31 yoshli portugaliyalik uchun faoliyatini davom ettirishdagi ustuvor variant hisoblanadi. Avvalroq xavbek joriy mavsum yakunlanganidan so‘ng «Manchester Siti»ni erkin agent sifatida tark etishini e’lon qilgan edi.

Ushbu mavsumda Silva barcha turnirlarni hisobga olganda 45 ta o‘yinda maydonga tushib, 3 ta gol urdi va 5 ta golli uzatmani amalga oshirdi. Xabar qilinishicha, Silvaga «Yuventus» ham jiddiy qiziqish bildirmoqda, biroq Turin klubi futbolchining moliyaviy talablarini qondira olmaydi.