«Vilyarreal» hujumchisi Nikolya Pepe sobiq ustozi Mikel Arteta qo‘l ostidagi faoliyati haqida fikr bildirdi.
«Mikel Arteta — muayyan talablarni qo‘yadigan murabbiy. Ba’zida menga biroz qiyin bo‘lgan, chunki vaqti-vaqti bilan o‘rtamizda normal aloqa bo‘lmagan. U bilan yetarlicha muloqot qilmaganim — mening eng katta afsusimdir», — deya Pepening so‘zlarini keltirmoqda FlashScore.
Eslatib o‘tamiz, ivuarlik futbolchi 2019 yildan 2023 yilga qadar «Arsenal» a’zosi hisoblangan (so‘nggi mavsumni ijarada o‘tkazgan). London klubi uning transferi uchun «Nissa»ga 80 million yevro to‘lagan edi. Bu o‘sha paytda «kanonirlar» tarixidagi rekord xarid sifatida qayd etilgan.













