Londonning «Chelsi» klubi bosh murabbiyi Liam Rosenyor jamoaning oxirgi vaqtlardagi muvaffaqiyatsiz ishtirokidan so‘ng jiddiy bosim ostida qolmoqda. Insayder Grem Beylining ma’lumotlariga ko‘ra, ingliz mutaxassisining kelajagi hozircha noaniq.

Ta’kidlanishicha, APLning 33-turida «Brayton»dan uchralgan yirik mag‘lubiyatga (0:3) qaramay, «ko‘klar» rahbariyati Rosenyorni darhol iste’foga chiqarmoqchi emas. Klub bosslari murabbiyga mavsum yakuniga qadar qolgan 5 ta o‘yinda vaziyatni o‘nglash uchun imkoniyat berishga qaror qilgan.

Shu bilan birga, «Chelsi» rahbariyati voqealar rivoji salbiy davom etgan taqdirda Liamni almashtirish bo‘yicha zaxira rejalarini ham tayyorlab qo‘ygan. Hozirda mutaxassis o‘z lavozimida qolish uchun qolgan uchrashuvlarda natija ko‘rsatishi shart.