O‘zbekiston Superligasining 9-turida Termizda o‘tgan «Surxon» — «Mash’al» uchrashuvi dramatik ssenariy asosida kechdi. Maydon egalari ikkinchi bo‘lim so‘nggida kambek amalga oshirib, 2:1 hisobida g‘alaba qozondi.

Birinchi bo‘limda «Surxon» faolroq harakat qildi va bir qator xavfli vaziyatlar yaratdi. Stefan Chinedu, Abdullajonov hamda boshqa futbolchilarda imkoniyatlar bo‘ldi, ammo gol urilmadi. Mehmonlar ham qarshi hujumlarda xavfli harakat qildi, biroq darvozabon ishonchli o‘ynadi.

Ikkinchi taymda esa hisob ochildi. 60-daqiqada VAR orqali belgilangan penaltini Samandar Ochilov aniq ijro etib, «Mash’al»ni oldinga olib chiqdi — 0:1.

Shundan keyin «Surxon» hujumlarni kuchaytirdi. 83-daqiqada Stefan Chinedu hisobni tenglashtirdi — 1:1. Ushbu goldan keyin maydon egalari ruhlanib ketdi va bosimni yanada oshirdi.

Uchrashuvning so‘nggi daqiqalarida esa hal qiluvchi epizod yuz berdi. 90+1-daqiqada zaxiradan tushgan Kamron Yusupov jamoasini oldinga olib chiqib, «Surxon»ga g‘alabani taqdim etdi — 2:1.

Shu tariqa, «Surxon» irodali o‘yin namoyish etib, muxlislarini quvontirdi hamda o‘z ochkolarini 11 ochkoga yetkazib, 9-o‘ringa ko‘tarilib oldi.

"Mash’al" esa ketma-ket to‘qqizinchi mag‘lubiyat tufayli nol ochko bila eng so‘nggi pog‘onani egallab turibdi.

O‘zbekiston Superligasi, 9-tur
22 aprel 2026 yil. Termiz
«Surxon» — «Mash’al» 2:1 (0:0)
Gollar: Samandar Ochilov 60, pen. (0:1), Stefan Chinedu 83 (1:1), Kamron Yusupov 90 (2:1)