Ommaviy axborot vositalarida Germaniya terma jamoasi bosh murabbiyi Yulian Nagelsmann «Manchester Yunayted»ni boshqarishi mumkinligi haqida ma’lumotlar paydo bo‘ldi.
TalkSPORT bergan ma’lumotlarga ko‘ra, «Manchester Yunayted»dagi manbalar nemis mutaxassisining «qizil iblislar» bilan ishlash ehtimolini past baholamoqdalar. Hozirda u «MYU» ustozi lavozimiga real nomzod sifatida ko‘rilmayapti.
Bunga asosiy sabab sifatida uning Jahon chempionati tugagunga qadar «Manchester Yunayted»da ish boshlay olmasligi ko‘rsatilgan. «Qizil iblislar» rahbariyati Nagelsmannning tayinlanishini iyul oyigacha kutishni istamayapti.
Ayni damda «Manchester Yunayted» Angliya chempionati turnir jadvalida uchinchi o‘rinni egallab turibdi. Yanvar oyidan beri jamoani Maykl Kerrik boshqarib kelmoqda.
