Italiyaning «Milan» klubi sobiq darvozaboni jamoaning Massimiliano Allegri qo‘l ostida o‘tkazayotgan mavsumiga o‘z bahosini berdi.

«Milan» chempionlik tituli uchun imkoniyatlarini deyarli yo‘qotgan bo‘lsa-da, Chempionlar Ligasiga qaytish vazifasini ishonch bilan bajarmoqda.

«Xo‘sh, men mavsumni ijobiy baholayman, chunki Allegrining maqsadi doimo kuchli to‘rtlikka kirish bo‘lgan va bu borada klubda hammasi yaxshi ketmoqda. Menimcha, «Inter» tarkibi «Milan»nikiga qaraganda ancha kuchli, shuning uchun titul uchun kurashish imkoniyatini real baholash kerak», — deya Abbyatining so‘zlarini keltiradi pianetamilan.it.

Abbyati «Milan» safida 1998 yildan 2016 yilgacha faoliyat yuritgan, biroq tez-tez ijaraga berib yuborilgan.