Италиянинг «Милан» клуби собиқ дарвозабони жамоанинг Массимилиано Аллегри қўл остида ўтказаётган мавсумига ўз баҳосини берди.
«Милан» чемпионлик титули учун имкониятларини деярли йўқотган бўлса-да, Чемпионлар Лигасига қайтиш вазифасини ишонч билан бажармоқда.
«Хўш, мен мавсумни ижобий баҳолайман, чунки Аллегрининг мақсади доимо кучли тўртликка кириш бўлган ва бу борада клубда ҳаммаси яхши кетмоқда. Менимча, «Интер» таркиби «Милан»никига қараганда анча кучли, шунинг учун титул учун курашиш имкониятини реал баҳолаш керак», — дея Аббьятининг сўзларини келтиради pianetamilan.it.
Аббьяти «Милан» сафида 1998 йилдан 2016 йилгача фаолият юритган, бироқ тез-тез ижарага бериб юборилган.
