Mashhur braziliyalik darvozabon Alisson Bekker «Yuventus» tomonidan bo‘layotgan qiziqishlar fonida Italiyaga qaytishga qarshi emas. Biroq, Fabrisio Romano xabar berishicha, futbolchi faoliyatining ko‘p yillarini o‘tkazgan «Liverpul» klubiga katta hurmat bilan yondashadi. Shu sababli, yaqin orada klub va o‘yinchi o‘rtasida ehtimoliy transfer bo‘yicha muzokaralar bo‘lib o‘tadi.
Eslatib o‘tamiz, braziliyalik posbon 2016-2018 yillarda «Roma»da o‘ynagan, shundan so‘ng «Liverpul»ga o‘tgan edi. Hozirda darvozabon 33 yoshda. Mavsum yakunida u jarohat oldi.
Avvalroq mish-mishlarda «Yuventus» Angliya Premyer-ligasida katta tajribaga ega bo‘lgan yana bir yulduzli darvozabonga qiziqish bildirayotgani haqida xabar berilgan edi.
