Машҳур бразилиялик дарвозабон Алиссон Беккер «Ювентус» томонидан бўлаётган қизиқишлар фонида Италияга қайтишга қарши эмас. Бироқ, Фабрицио Романо хабар беришича, футболчи фаолиятининг кўп йилларини ўтказган «Ливерпуль» клубига катта ҳурмат билан ёндашади. Шу сабабли, яқин орада клуб ва ўйинчи ўртасида эҳтимолий трансфер бўйича музокаралар бўлиб ўтади.
Эслатиб ўтамиз, бразилиялик посбон 2016-2018 йилларда «Рома»да ўйнаган, шундан сўнг «Ливерпуль»га ўтган эди. Ҳозирда дарвозабон 33 ёшда. Мавсум якунида у жароҳат олди.
Аввалроқ миш-мишларда «Ювентус» Англия Премьер-лигасида катта тажрибага эга бўлган яна бир юлдузли дарвозабонга қизиқиш билдираётгани ҳақида хабар берилган эди.
