Darvozabon Jeyms Trafford joriy mavsum yakunlanganidan keyin «Manchester Siti»ni tark etishi mumkin. Goal nashrining ma’lumotlariga ko‘ra, golkiperni sotib olishga «Liverpul» va «Chelsi» qiziqish bildirmoqda.

Futbolchining o‘zi ko‘proq o‘yin amaliyotiga ega bo‘lishni istagani uchun Manchester klubidan ketishga tayyor — «shaharliklar»ning asosiy darvozaboni Djanluidji Donnarumma hisoblanadi.

Jeyms Trafford 2025 yilda «Byornli»dan «Manchester Siti»ga 31 million yevro evaziga o‘tgan edi. Uning shartnomasi 2030 yilning 30 iyunigacha mo‘ljallangan.

Joriy mavsumda darvozabon «shaharliklar» safida barcha turnirlarda 14 ta o‘yin o‘tkazib, o‘z darvozasidan 10 ta gol olib chiqdi, 7 ta uchrashuvda esa darvozasi daxlsizligini saqlab qoldi. Transfermarkt portali Traffordning qiymatini 25 million yevroga baholamoqda.