Italiya terma jamoasi sobiq darvozaboni Janluidji Buffon mamlakat futbolidagi pasayish omillarini sanab o‘tdi.
Italiya terma jamoasi JCH-2026 saralashining pley-off finalida Bosniya va Gersegovinaga mag‘lub bo‘ldi (1:1, penaltilar bo‘yicha 1:4) va ketma-ket uchinchi bor Jahon chempionatini o‘tkazib yuboradigan bo‘ldi.
«Men uchta aniq sababni aytgan bo‘lardim. Birinchisi — globallashuv, bu barcha jamoalarga raqobatbardosh bo‘lish imkonini berdi va o‘yinning o‘rtacha darajasi sezilarli darajada oshdi.
Ikkinchidan, bundan 15 yil avval biz g‘alaba qozongan paytlarimizda raqiblarimizdan taktik jihatdan kuchliroq edik. Uchinchidan esa, bizda bir qancha ajoyib futbolchilar bor, lekin avvallari bizga ustunlik qilishga yordam bergan Badjo, Del Pyero yoki Totti kabi haqiqiy kreativ talantlar yetishmayapti», — dedi Buffon.













