Италия терма жамоаси собиқ дарвозабони Жанлуиджи Буффон мамлакат футболидаги пасайиш омилларини санаб ўтди.
Италия терма жамоаси ЖЧ-2026 саралашининг плей-офф финалида Босния ва Герцеговинага мағлуб бўлди (1:1, пенальтилар бўйича 1:4) ва кетма-кет учинчи бор Жаҳон чемпионатини ўтказиб юборадиган бўлди.
«Мен учта аниқ сабабни айтган бўлардим. Биринчиси — глобаллашув, бу барча жамоаларга рақобатбардош бўлиш имконини берди ва ўйиннинг ўртача даражаси сезиларли даражада ошди.
Иккинчидан, бундан 15 йил аввал биз ғалаба қозонган пайтларимизда рақибларимиздан тактик жиҳатдан кучлироқ эдик. Учинчидан эса, бизда бир қанча ажойиб футболчилар бор, лекин авваллари бизга устунлик қилишга ёрдам берган Баджо, Дель Пьеро ёки Тотти каби ҳақиқий креатив талантлар етишмаяпти», — деди Буффон.
