«Real Madrid» sobiq yarim himoyachisi Guti, La Liganing 33-turidan o‘rin olgan «Alaves»ga qarshi o‘yindagi (2:1) golidan so‘ng muxlislardan uzr so‘ragani uchun Vinisius Juniorni tanqid qildi.

Vinisius uchrashuvning 50-daqiqasida gol urdi va shundan so‘ng kaftlarini birlashtirib, boshi uzra ko‘targan holda muxlislardan uzr so‘radi hamda klub emblemasini o‘pdi. O‘yin boshlanishidan oldin «Santyago Bernabeu»dagi muxlislar braziliyalik futbolchi va Kilian Mbappeni hushtaklar bilan qarshi olishgan edi.

«U bunday qilmasligi kerak edi. Yaxshi yoki yomon o‘ynash mumkin, lekin u doim harakat qiladi. Oxirgi o‘yinlarda u juda yuqori daraja ko‘rsatmoqda va o‘yinchi hech qachon o‘z ishi uchun uzr so‘ramasligi kerak», — dedi Guti DAZN efirida.