«Chelsi» afsonasi va sobiq sardori Jon Terri London klubini boshqarishni istagan edi. Bu haqda talkSPORT nashri xabar bermoqda.

Manbaning ma’lumotlariga ko‘ra, Liam Rosenyor iste’foga chiqarilganidan so‘ng, Terri «ko‘klar» rahbariyatiga yangi bosh murabbiy qidirilayotgan vaqtda jamoani mavsum yakuniga qadar boshqarib turish taklifini bergan. Biroq London klubi xo‘jayinlari bu g‘oyani keskin rad etishgan. Bundan tashqari, ular Terriga bu lavozimni hech qachon qo‘lga kirita olmasligini aniq tushuntirishgan.

Ayni damda Jon Terri «Chelsi» akademiyasida murabbiy bo‘lib ishlamoqda. U 1998 yildan 2017 yilga qadar London klubi sharafini himoya qilgan.