«Arsenal» bosh murabbiyi Mikel Artetaning 16 yoshli o‘g‘li Gabriel Arteta London klubining o‘smirlar jamoasida (U18) debyut qildi. Bu haqda ESPN nashri xabar bermoqda.
Chorshanba kuni, 22 aprel sanasida bo‘lib o‘tgan «Blekbern» U18 jamoasiga qarshi bahsda Gabriel maydonga tushdi. Uchrashuvda «kanonirlar» 3:0 hisobida ishonchli g‘alabani qo‘lga kiritishdi.
Ma’lumot uchun, «Arsenal»ning asosiy jamoasi hozirda «Manchester Siti» bilan birgalikda Premyer-liga turnir jadvalida peshqadamlik qilmoqda. 33 ta o‘yindan so‘ng har ikki klub hisobida 70 tadan ochko mavjud. Eslatib o‘tamiz, o‘tgan dam olish kunlarida Mikel Arteta shogirdlari safarda «shaharliklar»ga 1:2 hisobida imkoniyatni boy berishgan edi.
